Kryetari i partisë politike shqiptare në Maqedoni Bashkimi Demokratik për Integrim (BDI), Ali Ahmeti, ka pritur sot në Shkup presidentin e Republikës së Kosovës, Hashim Thaçin me të cilin bisedoi rreth referendumit të 30 shtatorit si dhe zhvillimeve në rajon, ku u fokusuan më shumë te tema e dialogut Prishtinë-Beograd.
Kreu i BDI-së theksoi rëndësinë e madhe që ka zbatimi i suksesshëm i marrëveshjes së Prespës, si dhe e informoi presidentin Thaçi për mbarëvajtjen e fushatës për referendumin që do të mbahet në 30 shtator.
Thaçi dhe Ahmeti u dakorduan që qytetarët e Maqedonisë dhe sidomos shqiptarët e Maqedonisë, duhet të dalin masivisht për të votuar pro referendumit, pasi ata votojnë njëkohësisht edhe pro integrimit në NATO dhe në BE. Ata u shprehën se e vetmja e ardhme për Ballkanin Perëndimor është integrimi euroatlantik.
Ahmeti gjithashtu u shpreh se mbështeste përpjekjet e institucioneve të Kosovës, në bashkëpunim me faktorin ndërkombëtar për zgjidhjen përfundimtare të dialogut me Beogradin.
VAZHDO TË LEXOSH MË TEPËR PËR TEMËN
Maqedonasit ndihen të detyruar për emrin e ri
