Kanë përfunduar dy ndeshjet e para të mbrëmjes së sotme në Champions League. Ajax e ka nisur me fitore fushatën e fazës me grupe. Ajax, katër herë kampion i Europës, mposhti 3-0 AEK-un e Athinës, në Amsterdam.
Gjithçka ndodhi në pjesën e dytë, kur që në minutën e parë të këtij fraksioni Nicolas Tagliafico shënoi për vendasit. Sa për statistikë, vlen për t’u përmendur se ky ishte goli numër 500 i shënuar nga një argjentinas në veprimtarinë elitare.
14 minuta para fundit, 21-vjeçari Donny van de Beek, realizoi golin e dytë për Ajax, që e nis me tri pikë grupin ku bëjnë pjesë edhe Benfica e Bayern Munich. Në minutën e fundit pati kohë edhe për golin e tretë “firmosur” nga sërish nga mbrojtësi argjentinas Nicolas Tagliafico.
Ndërkohë, Shakhtar dhe Hoffenheim ndanë nga një pikë në ndeshjen e luajtur në Ukrainë, e cila u mbyll 2-2. Florian Grillitsch shënoi golin e parë për gjermanët, ndërsa vendasit barazuan me anë të Ismaily, megjithatë Havard Nordtveit i dha mundësinë Hoffenheim ta mbyllte pjesën e parë në avantazh duke shënuar golin e dytë.
Gjithsesi, nëntë minuta para fundit, braziliani Maycon shmangu humbjen për Shakhtar, teksa shënoi golin e barazimit. Ekipet e tjera në këtë grup janë Manchester City dhe Lyon. Trajneri i Hoffenheim, Julian Nagelsman, 31 vjeç e 58 ditë u bë trajneri më i ri në historinë e Champions League.
VAZHDO TË LEXOSH MË TEPËR PËR TEMËN
Champions, sot Real-Roma dhe të tjerat…
