Pas një suksesi gati 1-vjeçar, “Babai”, një tragji-komedi nga francezi Florian Zeller , do të pushtojë këtë fundjavë skenën e teatrit “Andon Z. Çajupi”.
E vendosur për herë të parë në skenë në Shtator 2012 në Teatrin “Hebertot” në Paris, tragji-komedia do të kthehej së shpejti në një ndër të preferuarat e publikun francez e jo vetëm, duke i dhënë në 2014 çmimin “Molier “ Florian Zellerit për dramën më të mirë .
Për shkak të mesazheve të fuqishme , skicës së personazheve dhe mise en scene-va , kjo vepër u integrua në teatrin shqiptar duke ardhur si premierë për teatrin “Scampa” në Elbasan ku edhe u mirëprit dhe vlerësua nga artdashësit dhe kritikët.
Me regji të Spiro Dunit, dhe me pjesëmarrjen e një plejade artistësh, si Reshat Arbana në rolin e protagonistit, Elia Zaharia Zogu, Falura Kureta, etj, suksesi për të mbetet i garantuar.
E ngritur mbi motivin e sëmundjes së Alzheimerit, kjo dramë paraqet gjasat për te qenë premtuese edhe për teatrin e Korçës .
Drama do të shfaqet për publikun korçar gjatë ditës së shtunë dhe të diel dhe pritet të tërheqë vëmendjen e artdashësve, figurave të artit korçar e pse jo edhe turistëve.
Gjatë një hapësire kohore prej dy orësh prej orës 19:00 -21:00, mesazhe të fuqishme e sensibilizuese do të mbërthejnë në auditorin e teatrit, qindra pjesëmarrës e të ftuar.
Nëse tragji-komedia do të mirëpritet apo jo, mbetet të shihet në fund të saj, deri atëhërë mos mungoni në teatër!
VAZHDO TË LEXOSH MË TEPËR PËR TEMËN
“ArTurbina” hap dyert me “Stabat Mater”
“PRINCI I VOGËL” i Yllka Mujos
“Shkodra Jazz Festival”
