Shpëton Mourinho, Manchester United më në fund ka parë dritë në fund të tunelit, teksa ka mposhtur Burnley në Turf Moor me rezultatin 2-0.
Të besuarit e Mourinho-s nuk kanë dashur të bëjnë një tjetër hap fals pas dy humbjeve radhazi dhe kanë reaguar shumë mirë ndaj një kundërshtari të vështirë.
Ishte Romelu Lukaku ai që zhbllokoi rezultatin pas një kombinimi me Alexis Sanchez, i rikthyer në formacionin e Djajve. Pak përpara se të përfundonte pjesa e parë Lukaku dyfishon rezultatin dhe kompleton dopietën e tij të parë për këtë sezon me United. Por pjesa e dytë kishte incidente pa fund.
Lukaku gives United the lead. Brilliant cross from Sanchez? #mufc pic.twitter.com/IWKPE0hRps
— Simply Utd (@SimplyUtd) September 2, 2018
Duke filluar nga penalltia e humbur e Pogba dhe kartoni i kuq i Marcus Rashford pak më vonë pas një përplasjeje me një prej mbrojtësve të Burnley. Gjithsesi, United nuk e kishte problem të ruante rezultatin në minutat e mbetura duke u rikthyer te fitorja.
Lukaku grabs his second to make it 2-0. United have turned up this weekend. #mufc pic.twitter.com/y0P5Y5ATpP
— Simply Utd (@SimplyUtd) September 2, 2018
Ndërkohë Tottenham, megjithëse ka dominuar ndeshjen gjatë 60 minutave të para, duke gjetur edhe golin e avantazhit pas autogolit të Docoure, i rrëshkiti loja nga dora që pas golit të barazimit të Deeney duke pësuar edhe një gol tjetër nga Cathcart.
Të besuarit e Pochettino-s kishin një ecuri të përsosur, por e cila është thyer nga Watford, që arrin fitoren e 4-t në katër ndeshjet e para.
VAZHDO TË LEXOSH MË TEPËR PËR TEMËN
Chelsea vuan, por në krye me pikë të plota
