Ka mjaftuar një gol i Asensios në pjesën e parë dhe Real Madrid ka fituar në shtëpi 1-0 ndaj Espanyol, duke marrë edhe kreun e renditjes, duke pritur ndeshjen e Barcelonës dhe duke shpresuar te ndonjë dështim i katalanasve.
Nuk ka qenë një ndeshje e lehtë për skuadrën e Julen Lopetegui, me mbrojtjen vendase që është vënë disa herë në vështirësi nga miqtë, veçanërisht në pjesën e parë. Por lojtarët e Espanyol nuk kanë arritur të shfrytëzojnë siç duhet rastet e krijuara.
Real Madrid vs Espanyol 1-0 Goal First pic.twitter.com/Ycj2LHoPgZ
— لود لود (@c0cDL8QrMIdkCrv) September 22, 2018
Një gabim që nuk e ka bërë Asensio, i cili nuk ka falur në minutën 41-të të pjesës së parë, duke mposhtur portierin Lopez me një diagonale të bukur me të majtën. Gol ky që është anuluar fillimisht nga arbitri i ndeshjes, por që është konfirmuar më pas nga VAR.
Rastet nuk kanë munguar as në pjesën e dytë, me Espanyol që ka goditur traversën në të 65-ën me Iglesias. Vendasit kanë arritur ta mbrojnë avantazhin deri në fund dhe tani kanë shkuar në kuotën e 13 pikëve në renditje, gjashtë më shumë se Espanyol që mban vendin e 6-të.
