Nuk ka më polemika, Graniti ka lënë pas Botërorin dhe festimet me shqiponjë, ndërsa Taulanti arriti të shënonte një supergol në takimin mes Shqipërisë dhe Izraelit, duke i dhuruar një trepikësh të artë në këtë mënyrë .
E nuk mund të ketë prind më të lumtur se Ragip Xhaka, i cili shprehet se ka mbetur shumë i kënaqur nga kjo fitore dhe se rikthimi i Taulantit është fakti që e ka gëzuar më shumë.
I pyetur nga “VIP Sport”, Ragip Xhaka shprehet se kurrë nuk i është ndarë Shqipërisë dhe se zemrën e ka pasur gjithmonë Shqipëri.
“Ndeshja ishte super, kënaqësi pasi djemtë kanë luftuar në çdo milimetër dhe në kushte të tilla nuk mungon suksesi. Me të vërtetë nuk e përshkruaj dot atë gëzim jo vetëm që shënoi Taulanti, por që u rikthye edhe nga një dëmtim pas 12 javësh dhe mund të them që ma ka bërë zemrën sa malet e Shqipërisë.
Do të shoh Kosovën dhe do të iki të shoh Shqipërinë në Skoci. Nuk e kam ndarë kurrë Shqipërinë, pasi gjithmonë e kam pasur zemrën Shqipëri”, – u shpreh Ragip Xhaka.
