Një tjetër sfidë e të mëdhenjeve është zhvilluar në Ligën e Kombeve. Spanja ka mposhtur me rezultatin 2-1, falë Saul dhe Rodrigo.
Ishte një ndeshje fantastike në Wembley mes dy prej skuadrave më të mira europiane dhe ishin spanjollët ata që dolën fitimtarë në sfidën e League A, pasi përmbysën golin e Rashford në fillim.
Anglia e nisi më së miri lojën dhe pas një kombinimi të dyshes së Manchester United, Shaw dhe Rashford, arrin të gjejë golin e avantazhit. Shaw jep një asist të përsosur nga e majta dhe gjen Rashford brenda zones, i cili e dërgon në rrjetë ndaj De Gea-s.
Por vetëm dy minuta më pas Spanja barazon rezultatin pas një aksioni model me Saul, që ishte finalizuesi pas pasimit të Rodrigo-s.
Ishte lojtari që përgatiti golin e parë ai që i dha avantazhin spanjollëve të Luis Enrique-s në minutën e 32’ pas një krosi nga goditja standarde e Alcantara. Një gabim në rreshtim i Maguire, i cili ishte duke markuar Sergio Ramos.
