Pas nismës kushtetuese të Partisë Demokratike për vetting-un në politikë, ka reaguar kryeministri Edi Rama.
Përmes një mesazhi në ‘Twitter’ Rama ka mbështetur për hapin PD-në, ndërsa është shprehur i gatshëm që palët ta diskutojnë sëbashku.
Ai thekson se kjo gjë të ndodhë sa më parë, pasi një drejtësi e pastruar përmes Vetingut, sipas tij nuk do të ketë më as në këtë vend për politikanët e korruptuar.
“Veting politikanëve? Sa më parë! Me një drejtësi të pastruar përmes Vetingut, s’do ketë më as në këtë vend shteg për politikanët që t’i ikin drejtêsisë. Dhe çdo ide tjetër për të rritur llogaridhënien e politikanëve është e mirëseardhur. Gjithnjë gati të diskutojmë me PD”, shkruan Rama.
Platforma e PD
Kryetari i PD-së Lulzim Basha shpalli sot 4 objektivat e platformës për çlirimin e qeverisë nga krimi.
Risia kryesore e platformës që po diskutohet në grupin parlamentar të opozitës është vettingu për politikanët, njësoj si për gjyqtarët, prokurorët dhe policët.
1 – Dekriminalizimi i plotë përmes vettingut të politikanëve të lidhur me krimin.
2 – Çlirimi i drejtësisë nga kapja politike në funksion të bashkëqeverisjes së Edi Ramës me krimin
3 – Zgjedhje të lira të ndershme, demokratike ku qytetarët të jenë ata që vendosin
4 – Një ekonomi e çliruar nga monopolet, nga oligarkët dhe nga korrupsioni qeveritar, në funksion të mirëqenies së qytetarëve.
M.H
VAZHDO TË LEXOSH MË TEPËR PËR TEMËN
PD shpall nismën kushtetuese për vetting-un në politikë
Rama: Opozita politikë me krimin, policia foli me vepra
