Tiranës nuk i ka bërë “derman” as trajneri i ri në transfertën vlonjate. Flamurtarit i ka mjaftuar një gol përballë bardhebluve dhe rikthehet në “shinat” e duhura për të pretenduar për zonën europiane.
“Profesori mund nxënësin”, kështu mund të cilësohet kjo sfidë, teksa Ilir Daja fiton ndaj Ard Memës, të cilin vetëm një javë më parë e kishte ndihmës. Një shkëndijë e Bushiç në fraksionin parë ishte shumë pak.
Pjesa e parë ishte e zymtë, si dhe koha në Vlorë. Në fraksionin dytë trajnerët nuk ndryshuan asgjë dhe besuan te të njëjtët futbollistë. Sa i përket ritmit, gjërat nuk ndryshuan, por Flamurtari e nxori golin.
Hyseni përfiton nga një moskuptim i mbrojtjes mike dhe godet, por Lika e ndal në momentin e parë, megjithatë, nuk kishte se çfarë të bënte “gardiani” i bardhebluve pas goditjes së Alves, i cili nuk e pati të vështirë që të shënonte.
Skuadra e Dajës e menaxhoi mjaft mirë rezultatin dhe në fund mori një trëpikësh me shumë vlerë. Tirana mbetet në kuotën e 8 pikëve pas fazës së parë dhe e sheh veten në një gjendje deri diku kritike. Kuqezinjtë ngjiten në vendin e pestë tani me 14 pikë.
FLAMURTARI – TIRANA 1-0
Alves 72′
Flamurtari: Koliçi, Siljanovksi, Pollozhani, Veliu, Musta, Batha, Useini, Hyseni (Mustafa 80′), Torasa (Ribaj 77′), Alves, Bushiç. Trajner: Ilir Daja.
Tirana: Lika, Doka, Turtulli, Hoxhallari, Imami, Mauexhe, Karabeci, Daja, Kobinah (Sentamu 74′), Greca, Hasani (Ngo 82′). Trajner: Ardian Mema.
Kartonë të verdhë: Pollozhani 31′, Alves 36′, Torasa, 67′, Siljanovksi 78’/ Turtulli 14′, Imami 68′
Gjyqtarë: Laver Alla, Ridiger Çokaj, Edlir Malo, Ardian Beqiri
VAZHDO TË LEXOSH MË TEPËR PËR TEMËN
Përmbys Kukësi, Laçi pëson humbjen e parë
Skënderbeu rimerr kreun e Superiores
