Ministria për Evropën dhe Punët e Jashtme ka thirrur sot ambasadoren greke në Tiranë në lidhje me vrasjen e ekstremistit grek Kostandinos Kacifa nga RENEA në Bularat të Gjirokastrës tre ditë më parë.
MEPJ bën me dije se ambasadores Eleni Surani iu komunikua pozicioni i qartë i autoriteteve shqiptare lidhur me çështjen dhe se ngjarja po hetohet nga Prokuroria Shqiptare, e cila është institucioni i vetëm që kryen hetim të pavarur.
Njoftimi i plotë i MEPJ:
“Ambasadorja e Greqisë në Shqipëri, Eleni Surani u thirr sot në Ministrinë për Evropën dhe Punët e Jashtme për ngjarjen e ndodhur në Bularat, Gjirokastër.
Ambasadores iu komunikua pozicioni i qartë i autoriteteve shqiptare lidhur me çështjen në fjalë.
Ambasadores i’u theksua se ngjarja e rëndë po hetohet nga Prokuroria Shqiptare. Ky institucion është autoriteti i vetëm që në bazë të kushtetutës dhe legjislacionit penal shqiptar kryen hetim të pavarur për çdo vepër penale që ndodh në territorin e Republikës së Shqipërisë.
Ministria për Evropën dhe Punët e Jashtme përsëriti thirrjen për maturi dhe mosngjyrime politike e diplomatike të kësaj çështje, duke siguruar se Shqipëria është vend i sigurtë e i qetë për të gjithë shtetasit e saj, përfshirë pa asnjë dallim ata me kombësi greke.”
VAZHDO TË LEXOSH MË TEPËR PËR TEMËN
“Me zë dhe figurë” kur ekstremisti grek qëllon policinë
Gjirokastër/ Trupi i Kacifasit ende në morgun e spitalit
