Një tjetër fitore me shumë rëndësi për përfaqësuesen e Kosovës, e cila ka mposhtur 3-1 Maltën në stadiumin “Fadil Vokrri” në Prishtinë. Një barazim dhe 2 fitore radhazi bëjnë që Kosova të kryesojë grupin me 7 pikë, e ndjekur nga Azerbajxhani me 5, por që këtë të fundit e pret në shtëpi.
Sulmuesi Benjamin Kololli ka qenë autori i golit të parë. Goli i shënuar nga lojtari i Zurich-ut ishte një aksion model i vendasve. Në fund, 26-vjeçari zhbllokoi rezultatin me qetësi.
Gjithsesi, me fillimin e pjesës së dytë miqtë surprizojnë. Janë minuta jo të mira për kosovarët. Megjithatë, Muriqi gjen golin e avantazhit dhe më pas maltezët mbeten me 10 vetë në fushë.
Për goditjen përfundimtare mendon sërish Kololli, që con shifrat në 3-1 dhe gëzon tifozët e shumtë në stadium. U bënë shumë suksese radhazi të Kosovës, saqë tashmë nuk mund t’i quajmë historike.
VAZHDO TË LEXOSH MË TEPËR PËR TEMËN
Kosova, vjen fitorja e parë në ndeshje zyrtare
