Të shtunën mbrëma Kuvendi i Maqedonisë kaloi nismën për ndryshimet kushtetuese, që i hap rrugë Marrëveshjes së Prespës për emrin e ri të këtij shteti.
Këtë vendim presidenti i Kosovës, Hashim Thaçi, e vlerëson si hap drejt rrugës evropiane të Shkupit.
Ai përmes një llogarinë e tij në Facebook, tha se Kuvendi i Maqedonisë mbrëmë dha shembullin e bashkimit të të gjitha partive për të mirën e qytetarëve dhe shtetit të tyre.
Postimi i plotë i Thaçit:
Maqedonia e zgjodhi rrugën e integrimeve euroatlantike dhe bëri një hap të madh për forcimin e paqes në tërë rajonin tonë. Kuvendi i Maqedonisë mbrëmë dha shembullin e bashkimit të të gjitha partive për të mirën e qytetarëve dhe shtetit të tyre. Shteti forcohet dhe integrohet kur të zgjedhurit e popullit marrin vendimet e duhura dhe tejkalojnë interesat politike për interesat shtetërore. Republika e Kosovës i gëzohet këtij vendimi shumë të rëndësishëm të shtetit tonë fqinj. Paqen dhe stabilitetin në rajon e forcojmë vetëm duke dëshmuar vendosmëri në orientimin euroatlantik dhe duke punuar shumë për integrimin në familjen evropiane.
VAZHDO TË LEXOSH MË TEPËR PËR TEMËN
Stoltenberg përshëndet vendimin e Kuvendit të Maqedonisë
