Vrasja e ekstremistit grek Kaçifa, në Bularat të Gjirokastrës, ka përplasur sërish kryeministrin Edi Rama, me ish-kyeministrin Berisha.
Kryeministri Edi Rama në një postim në Twitter, i është përgjigjur deklaratës së Sali Berishës, i cili bënte thirrje ulje të toneve në deklarata.
Sipas Berishës “Pavarësisht aktit të dënueshëm që vuri në rrezik forcat e rendit, i shpreh ngushëllime njerëzore familjes së viktimës.
Duke dënuar disa reagime zyrtare të Athinës por edhe të Tiranës, që duan të përdorin rastin për qëllime politike, konsideroj të nevojshme një hetim të plotë dhe transparent të kësaj ngjarje”.
Pas kësaj deklarata ka ardhur dhe përgjigja e Ramës i cili në një reagim shkruan:
Deklarata e SB për Bularatin një pisllëk që mund ta bëjë vetëm një materie e biodegraduar deri në palcë.
REAGIMI I PLOTË I RAMËS
“Deklarata e SB për Bularatin një pisllëk që mund ta bëjë vetëm një materie e biodegraduar deri në palcë.
Sa shumë i dha Shqipëria këtij njeriu që do iki nga kjo botë pa lënë pas qoftë dhe një fjali për t’ua treguar fëmijëve apo një fjalim ku të mos duhet sinjali kujdes fëmijët”.
REAGIMI I PLOTË I BERISHËS
“Deklarate per ngjarjen ne Bularat!
Te dashur miq, dje nje banor i Bularatit, anetar ne forcat e armatosura te Greqise ka hapur zjarr per motive ekstremiste edhe ndaj policise. Natyrisht ne çdo rast qe hapet zjarr drejt policise kesaj te fundit i lind e drejta ligjore te neutralizoj burimin e zjarrit.
Kur them te neutralizoje nenkuptoj me kete dorezimin e kriminelit qe hap zjarr, plagosjen e tij dhe se fundi edhe asgjesimin e tij kur dy te parat jane ta pamundura.
Pavaresisht aktit te denueshem qe vuri ne rrezik forcat e rendit, i shpreh ngushellime njerezore familjes se viktimes. Duke denuar disa reagime zyrtare te Athines por edhe te Tiranes, qe duan te perdorin rastin per qellime politike, konsideroj te nevojshme nje hetim te plote dhe transparent te kesaj ngjarje.
Me kete rast bej thirrje per nderprejen e histerise primitive antishqiptare ne Athine dhe asaj antigreke ne Tirane, qe nuk i sherbejne as te vertetes dhe as bashkepunimit mes popujve dhe vendeve tona! sb”
VAZHDO TË LEXOSH MË TEPËR PËR TEMËN
Ngjarja në Bularat/ Mediat greke: Shqiptarët duan kokë turku
