Shtetet e Bashkuara të Amerikës besojnë se ish-kryeministri i Maqedonisë, Nikolla Gruevski, i cili kërkon azil politik në Hungari, duhet ta vuaj dënimin e tij në vend.
Sipas Politico.eu, Departamenti i Shtetit, thotë se sistemi i drejtësisë duhet të zbatohet edhe për Gruevskin.
“Pas një procesi të plotë dhe transparent, Nikola Gruevski u dënua nga gjykatat maqedonase për keqpërdorim të detyrës dhe dënohej me dy vjet burg. Gjykatat e shumëfishta e mbështetën këtë bindje. Përveç kësaj, Gruevski gjykohet për katër akuza të tjera penale. Ne konsiderojmë se procedurat gjyqësore në Maqedoni duhet të vazhdojnë dhe Nikola Gruevski duhet të paraqitet para drejtësisë“, tha një zyrtar i Departamentit të Shtetit.
Nikolla Gruevski denua nga Gjykata për keqpërdorim të detyrës zyrtare me vendim të plotfuqishëm me dy vjet burg për rastin “Titanik”. /Konica.al/
VAZHDO TË LEXOSH MË TEPËR PËR TEMËN
A iku Gruevski nga Shqipëria për në Hungari?
Gruevski nga arratia kërkon azil politik
