“Kostandinos Kaçifa e kishte parashikuar vdekjen”. Kështu raportojnë disa media greke në një artikull publikuar, ku raportohet lidhur me funeralin e 35-vjeçarit.
Mediat greke dalin në këtë konkluzion duke paraqitur një bisedë mes tij dhe së motrës.
Një gazetë greke shkroi: “Heroi trim e kishte parashikuar vdekjen e tij para se të ndodhte. Kohët e fundit, 35-vjeçari jetonte i vetëm në fshat, duke bërë punë të ndryshme për të jetuar.
Një javë para se të jepte frymën e fundit, gruaja (e motra) e, thirri të shkonte në shtëpinë e saj pas festës së 28 tetorit (festa kombëtare e Greqisë) që t’i rregullonte një dollap. Sikur t’u paraprinte atyre që ndodhën, njeriu krenar iu përgjigj: ‘Jo, do vij tani. Nuk dua të kem gjëra të pambaruara pas 28 tetorit’”.
Të dielën e 28 tetorit, gjatë shkëmbimit të zjarrit me forcat RENEA, Kostandinos Kaçifas mbeti i vrarë pas rezistencës disa orëshe dhe shkëmbimit të zjarrit në Bularat.
VAZHDO TË LEXOSH MË TEPËR PËR TEMËN
Athinë/ Nisin zyrtarisht hetimet për vrasjen e Kacifas
