Çështja e dorëzimit të trupit të Konstandinos Kaçifas ka bërë që kreu i Partisë Bashkimi për të Drejtat e Njeriut, Vangjel Dule t’i dërgojë sot një letër Presidentit të Republikës Ilir Meta.
Dule kërkon impenjimin e presidentit duke qenë në cilësinë e Kryetarit të Këshillit të Lartë të Drejtësisë, për dorëzimin e trupit të tij për varrim.
“Çështja e dhimbjes së familjarëve, sensibilitetit të Komunitetit Grek dhe dimensioni human për të kryer ritet e përcjelljes, nuk mund të trajtohet me indifirencë burokratike dhe formalitete justifikuese”– thuhet në letrën e PBDNJ drejtuar Presidentit.
Familjarët e ekstremistit grek Kostandino Kacifas, i cili mbeti i vrarë nga RENEA në Bularat të Gjirokastrës kanë bërë sot kërkesë në Prokurorinë e Krimeve të Rënda për tërheqjen trupit të 35-vjecarit.
Trupi i të ndjerit mbahet në ruajtje nga Instituti i Mjekësisë Ligjore deri në përfundim të plotë të ekspertizës mjeko-ligjore.
Kujtojmë se më herët, avokati i familjes Kacifa në një intervistë për mediat greke u shpreh se trupi i 35-vjecarit do t’i kthehet familjes ditën e nesërme.
Sipas tij autoritetet shqiptare kanë rëndë dakord t’i dorëzojnë trupin e të ndjerit familjes.
VAZHDO TË LEXOSH MË TEPËR PËR TEMËN
Athinë/ Nisin zyrtarisht hetimet për vrasjen e Kacifas
Bularat/ Ngrihet lapidar me flamur grek për Kacifas
E hëna greke/ Kaçifas ballina e çdo gazete
