MENU
klinika

Punimet e ministerialit

Përplasen ministrat e Ballkanit, kundër Bosnjes e Serbisë

30.11.2018 - 15:28

Ministeriali i ministrave të Jashtëm të Ballkanit Perëndimor ka nisur punimet të cilat nuk kanë qenë dhe aq të qeta.

Behxhet Pacolli, ministri i Jashtëm i Kosovës, kërkoi një ndryshim të vogël në deklaratën e përbashkët të ministrave të WB6.

Ky propozim nuk është pritur aq mirë nga ministri i Jashtëm i Bosnje-Hercegovinës, Igor Crnadak dhe përfaqësuesi serb në takim.

Sipas Ministrisë së Jashtme, kërkesa e Pacollit për respekt të ndërsjellë për Kosovën në zbatimin e marrëveshjes CEFTA është mbështetur nga homologu shqiptar, Ditmir Bushati. Mësohet se ministri i Jashtëm shqiptar ka kërkuar një vendimmarrje pozitive për kërkesën e Pacollit, duke bërë thirrje për kompromis.

Debati ka vijuar dhe më tej, teksa ministri i Jashtëm shqiptar ka theksuar se nëse Bosnja dhe Serbia nuk tregojnë mirëkuptim, atëherë dhe për Shqipërinë dhe Kosovën është shumë e lehtë të kthehen tek qëndrimet kombëtare, por kjo nuk i shërben kompromisit.

“Nëse për Serbinë e Bosnjen përbën problem futja e respektit të ndërsjellë në zbatimin e marrëveshjes së CEFTA-s, atëherë Shqipëria qëndron në krah të Kosovës dhe nuk pajtohet me asnjë deklaratë tjetër”, mësohet të ketë thënë Bushati sipas Ministrisë së Jashtme.

Takimi i Budvës së WB6 i përfundoi punimet duke dalë me një tekst të përbashkët, tekst për të cilin nga pala shqiptare u insistua që të miratohej me konsensus pas kundërshtimit të Serbisë dhe Bosnje-Hercegovinës për të pranuar ndryshimet e propozuara nga Kosova.

VAZHDO TË LEXOSH MË TEPËR PËR TEMËN


Limaj do drejtojë ekipin negociues

Bisedimet me Serbinë/ Thaçi pro emërimit të ri


Interesim minimal i qytetarëve për të marrë pjesë në procesin e votimit

Shkarkimi i kryetarëve në veri të Kosovës/ Vota me “pikatore”!

Anëtarësimi i Kosovës në Këshillin e Europës

Albin Kurti në Berlin më 25 prill, zbardhet axhenda

Inskenohet “pushtimi i Serbisë”

Vuçiç bën prova lufte në kufi me Kosovën