Dy fitore radhazi, një nga Kupën e Mbretit dhe një në kampionat, pavarësisht se kjo e fundit me shumë vuajtje, duket se kanë rikthyer Real Madrid në “shina”. Nëse në kupë ishte mëse normal suksesi, fitorja e sotme 2-0 në “Bernabeu” ndaj Valladolid, është një ogur i mirë për trajnerin e ri Solari.
Më tepër se sa loja, për “Los Blancos” ka rëndësi trepikëshi. Ndeshja është zhbllokuar në minutën e 83-të nga autogol i Kiko-s, pas insistimit të Vinicius. Kaq u desh që Real Madrid të luante më qetë.
Në minutën e 88-të vjen edhe goli i sigurisë, i shënuar me penallti nga kapiteni Sergio Ramos. Pas 5 ndeshjesh pa fitore (4 humbje dhe një barazim) Real ngjitet në vendin e gjashtë me 17 pikë, 4 pikë pas Barcelonës së vendit të parë, por me këtë të fundit me një ndeshje më pak.
VAZHDO TË LEXOSH MË TEPËR PËR TEMËN
Isco barazon, Real Madrid ngec në Bilbao
