Drejtues të lartë të Federatës Shqiptare të Futbollit morën pjesë në 10 vjetorin e Qendrës Xhonatan, një organizatë jo fitimprurëse që punon në Shqipëri për komunitetin e personave me Sindromën Down.
Delegacioni i kryesuar nga Zv.Presidenti i Federatës z.Edvin Libohova, Drejtori Administrativ Kejdi Tomorri, si edhe legjenda e futbollit shqiptar Sulejman Demollari, dhuruan topa futbolli për të rinjtë e kësaj qendre si edhe i dorëzuan themelueses së kësaj qendre, zonjës Oreada Kita një bluzë të Kombëtares shqiptare me firmat e të gjithë lojtarëve.
Një surprizë e këndshme ishte përgatitur nga fëmijët e kësaj qëndre, të cilit i dhuruan z.Libohova logon e Federatës e punuar nga fëmijët dhe vullnetarët e qendrës.
Bashkëpunimi i FSHF me Qendrën Xhonatan lindi në prag të ndeshjes Shqipëri-Skoci, ku fëmijët e qendrës ndoqën nga afër ndeshjen e ekipit Kombëtar dhe u takuan me të gjithë lojtarët.
Ky bashkëpunim do të vazhdojë me synimin për të ndërgjegjësuar, informuar si edhe promovuar të drejtat e nevojat e individëve me këtë sindromë që të jetojnë një jetë të shëndetshme, të pavarur dhe pranë sportit.
VAZHDO TË LEXOSH MË TEPËR PËR TEMËN
Cana zgjidhet “Albanian Sports Ambassador”
“Arena Kombëtare” vihet në pikëpyetje
