Serbi
Presidenti i Serbisë, Aleksandar Vuçiç, tha se Kosova është e gatshme të zbatojë masa të reja ndaj Serbisë, duke thënë se bëhet fjalë për tri masa të vështira që mund të ndërmerren, por pa treguar se për çfarë bëhet fjalë.
Siç raporton Tanjug, Vuçiç deklaroi se shtoi se shteti do të marrë vendime lidhur me masat e reja të Kosovës vetëm kur atëherë kur të ndërmerren nga pala kosovare.
Kosovë
Kryetari i Lëvizjes Vetëvendosje, Albin Kurti, në një konferencë për medie, ka thënë se qeveria e vendit ka dështuar në liberalizimin e vizave dhe luftimin e korrupsionit.
Kurti ka deklaruar se Vetëvendosje do ta votojë Projektligjin për Ushtrinë e Kosovës.
Maqedoni
Gati katër vite nga luftimet e 9 dhe 10 majit të vitit 2015, institucionet në Maqedoni kanë lënë në harresë epilogun e vërtetë gjyqësor për këtë rast.
Hetimi për të kuptuar motivet e grupit të armatosur ishte premtuar nga kreu i BDI-së, Ali Ahmeti pak ditë pas përleshjes së armatosur.
Serbi
“SHBA-të e konsiderojnë Kosovën partner strategjik”, ky është titulli që gazeta serbe Danas, i dha një artikulli referuar burimeve diplomatike në Shtetet e Bashkuara të Amerikës.
Në këtë artikull përmendet edhe vizita e fundit e presidentit Hashim Thaçi në këtë vend, pjesëmarrja e tij në varrimin e ish-presidentit Xhorxh H. U. Bush, si dhe fakti që ai ishte ulur afër liderëve më të rëndësishëm botëror.
Maqedoni
Maqedonia mund të bllokohet nga Bullgaria në procesin e integrimit euroatlantik, nëse tenton të keqpërdorë temën me gjuhën maqedonase, kështu ka deklaruar Krasimir Karakaçanov, zëvendëskryeministër për Siguri dhe njëherësh ministër i Mbrojtjes i Bullgarisë.
Ministri bullgar i Mbrojtjes ka thënë se gjuha maqedonase nuk ekziston dhe se nuk do të lejojë që të dikush fshehtas të aplikojë një gjuhë të tillë.
Serbi
Ish-zëvendëskryeministrja dhe ish-ministrja e Integrimeve Evropiane në Qeverinë e Serbisë, Suzana Grubjeshiç, thotë se procesi i integrimeve evropiane të Serbisë nuk do të përshpejtohet derisa të mos ketë progres në dialogun me Kosovës dhe Serbisë.
Siç shkruajnë mediat serbe, Grubjeshiç, e cila aktualisht është Sekretare e Përgjithshme e Lëvizjes Evropiane në Serbi, tha se të hënën në Bruksel në konferencën ndërministrore Serbia do të hap dy kapituj, edhe pse kishte përgatitur shtatë pozicione negociuese. /Konica.al/
VAZHDO TË LEXOSH MË TEPËR PËR TEMËN
Kosova po përgatit tri masa të reja ndaj Serbisë
A do ta votojë LVV Ligjin për Ushtrinë?
