Kosova dhe Shqipëria kanë filluar me zbatimin e marrëveshjes për menaxhimin e integruar të kufirit.
Nënshkrimi i marrëveshjes është bërë nga ministri i Punëve të Brendshme të Kosovës, Ekrem Mustafa dhe ministri i Brendshëm të Shqipërisë, Sandër Lleshaj.
E ky vendim ka ngjallur reagime të ashpra në Serbi.
“Deklarata e Ramush Haradinajt dhe vendimi i Republikës së Shqipërisë për heqjen e kufirit tregojnë natyrën e vërtetë dhe të lartë të regjimit në Prishtinë”, ka thënë drejtori i të ashtuquajturës Zyre për Kosovë në Qeverinë e Serbisë, Marko Gjuriç, shkruan Tanjug.
“Hapa të tillë janë ndërmarrë plotësisht ilegalisht dhe heqja e paralajmëruar e kufirit për muajin mars do të përbënte një shkelje të rëndë të detyrimeve ndërkombëtare të Prishtinës me pasoja potencialisht të papritura”, shtoi Gjuriç. /Konica.al/
VAZHDO TË LEXOSH MË TEPËR PËR TEMËN
Kosova dhe Shqipëria fillojnë me menaxhimin e integruar të kufirit
Hiqen kontrollet e dyfishta Kosovë-Shqipëri
