Kapiteni i Real Madrid, Sergio Ramos, ka publikuar në llogarinë e tij në Instagram disa foto me “Topin e Artë” të Luka Modric. Ai, duke bërë shaka, la të kuptohet se është duke pritur ta fitojë një trofe të tillë.
Pas një dekade dominim nga Lionel Messi dhe Cristiano Ronaldo, “Topin e Artë” këtë vit e fitoi Luka Modric, i cili sezonin e kaluar e fitoi Champions League me Real Madrid dhe verës shkoi deri në finale të Kupës së Botës me Kombëtaren e Kroacisë.
Pasi e fitoi “Topin e Artë”, Luka Modric u kthye në seancën stërvitore të së martës në Real Madrid bashkë me këtë çmim, të cilin ua tregoi bashkëlojtarëve të tij.
Kapiteni i skuadrës, Ramos, bëri shaka në llogarinë e tij në Instagram, ku mbi fotografitë me Topin e Artë të bashkëlojtarit të tij, tha se është duke pritur për një çmim të tillë edhe për të. “Dhe Topi im i Artë, kur?”, – shkroi Ramos mbi fotografinë e publikuar.
