Kryeministri i Kosovës, Ramush Haradinaj, premtoi se Kosova do të ndërmarrë edhe masa të tjera ndaj Serbisë.
Haradinaj tha se kjo do të jetë si kundërpërgjigje ndaj qasjes së kësaj të fundit kundrejt rrugëtimit të Kosovës.
“Taksa 100 për qind nuk do të jetë e vetmja, ky nuk është maksimumi që do të bëjmë”, tha Haradinaj.
Ai gjithashtu tha se “taksa ndaj Serbisë nuk i ka shkaktuar dëme biznesit në Kosovë”.
I pyetur nëse do të ketë një marrëveshje mes Kosovës dhe Serbisë sipas shembullit franko-gjerman, Haradinaj tha se “mes Kosovës dhe Serbisë do të ketë një kontratë gjithëpërfshirëse ku do të përcaktohen të gjitha çështjet. Por korrigjimi i kufijve nuk është pjesë e kësaj pakete. Serbia ka pasur gjithmonë ide për ndarjen e Kosovës, por në veri nuk do të ketë skenar ukrainas”. /Konica.al/
VAZHDO TË LEXOSH MË TEPËR PËR TEMËN
“Të hiqet taksa për pagat deri 40 mijë lekë”, tërhiqet mazhoranca
‘Dialogu vazhdon nëse hiqet taksa për mallrat serbe’
‘Duan ta rrëzojnë Vuçiçin’
