Komisioneri për Zgjerim i Bashkimit Evropian, Johannes Hahn, të hënën do të qëndrojë për një vizitë zyrtare në Prishtinë.
Gjatë kësaj vizite, Hahn do t’u kërkojë autoriteteve të Kosovës tërheqin vendimin për taksën doganore prej 100 për qind për mallrat që importohen nga Serbia dhe Bosnja e Hercegovina.
Siç shkruan gazeta serbe Danas, Komisioni Evropian ka njoftuar se ky vendim i autoriteteve të Prishtinës do të jetë fokusi i vizitës së ardhshme të Hahn në Prishtinë.
“Komisioneri Evropian do të përsërisë qëndrimin e Bashkimit Evropian duke bërë thirrje për tërheqjen e këtij vendimi dhe duke theksuar nevojën për të nxitur marrëdhëniet e fqinjësisë së mirë dhe bashkëpunimin në rajon”, thuhet në deklaratë.
Gjatë vizitës së tij në Prishtinë, Hahn do të takohet me presidentin e Kosovës, Hashim Thaçi, Kryetarin e Kuvendit, Kadri Veselji, kryeministrin, Ramush Haradinaj, si dhe përfaqësuesit e opozitës. /Konica.al/
VAZHDO TË LEXOSH MË TEPËR PËR TEMËN
Çfarë do të bisedojë Hahn me liderët kosovar?
Hahn vjen në Prishtinë për liberalizimin e vizave
