MENU

Presidenti amerikan paralajmëron Kinën

Trump: Unë jam “Njeriu i tarifave”

04.12.2018 - 17:20

Presidenti Trump bëri një postim në Twitter për të festuar fillimin e bisedimeve tregtare midis SHBA dhe Kinës, por paralajmëroi se ai nuk do të ngurrojë të vendosë taksat nëse bisedimet dështojnë.

“Presidenti Xi dhe unë dëshirojmë që kjo marrëveshje të ndodhë, dhe ndoshta do të ndodhë. Por nëse jo, mbajeni mend, unë jam Njeriu i Tarifave”, postoi ai të martën.

Trump gjithashtu ka akuzuar Kinën për praktikat e padrejta tregtare që dëmtojnë amerikanët dhe ekonominë amerikane.

“Kur njerëzit ose vendet kërkojnë të sulmojnë pasurinë e madhe të kombit tonë, unë dua që ata të paguajnë privilegjin për ta bërë këtë. Do të jetë gjithmonë mënyra më e mirë për të maksimizuar fuqinë tonë ekonomike”, tha ai të martën.

Të dy vendet ishin në një luftë tregtare, derisa Trump dhe presidenti kinez Xi Jinping ranë dakord gjatë fundjavës për të pezulluar tarifat e reja dhe për të rinisur bisedimet. Shtetet e Bashkuara thanë se Kina do të blejë një sasi “shumë të konsiderueshme” të produkteve amerikane për të zbutur zhbalancimin e tregtisë.

Negociatat do të vazhdojnë edhe për tre muaj rresht që nga darka e Trump dhe Xi në samitin e G20 në Argjentinë të shtunën.

Administrata Trump deri më tani ka aplikuar tarifa për 253 miliardë dollarë mallra kineze dhe ka kërcënuar të aplikojë tarifat 25 për qind në një tjetër 267 miliardë dollarë mallra kineze, nëse ky raund i bisedimeve nuk është i suksesshëm. Nëse bisedimet dështojnë, norma tarifore prej $ 200 miliardë e $ 253 miliardë origjinale mallrash do të rritet nga 10 për qind në 25 për qind.

Kina iu përgjigj tarifave më të hershme amerikane me taksat hakmarrëse të veta, duke synuar 110 miliardë dollarë mallra amerikanë, përfshirë sojën dhe produkte të tjera bujqësore. Kjo u konsiderua gjerësisht si një sulm i drejtpërdrejtë ndaj mbështetësve të Trump, pasi kultivuesit  e sojës votuan për Trump në 2016.

Dhe Trump i kishte siguruar fermerët e SHBA se do të përfitonin nga negociatat me Kinën.

VAZHDO TË LEXOSH MË TEPËR PËR TEMËN


Deklarata e Guvernatorit të Bankës Qendrore

“Kina po përgatitet për më të keqen”

Joschka Fischer/ Project Syndicate

2019, vit vendimtar për Evropën…