Presidenti i Ukrainës ka bërë thirrje për rezervistët e ushtrisë për të forcuar mbrojtjen, për shkak të frikës nga një pushtim rus.
Petro Poroshenko tha se rezervistët do të thirren për trajnim si pjesë e ligjit ushtarak që ai deklaroi në fund të nëntorit.
“Ukraina po ndërmerr hapat e veta në përgjigje të kërcënimit të një pushtimi rus në shkallë të gjerë”, tha presidenti.
Ai gjithashtu i bëri thirrje Gjermanisë dhe aleatëve të saj që të rrisin praninë e tyre detare në Detin e Zi për të penguar më tej agresionin rus.
Ligji ushtarak u shpall në disa pjesë të Ukrainës më 26 nëntor, një ditë pasi roja bregdetare ruse penguin dhe sulmuan tre anije detare ukrainase dhe 24 anëtarë të ekuipazhit jashtë gadishullit të Krimesë që Rusia aneksoi nga Ukraina në 2014.
Kremlini tha se njoftimi i fundit i Poroshenkos është një përpjekje “absurde” për të shkaktuar përsëri tensione.
Si pjesë e ligjit ushtarak 30-ditor, të gjithë meshkujt rusë të moshës 16 deri në 60 vjeç janë ndaluar të hyjnë në Ukrainë, një masë që Poroshenko tha se ishte e nevojshme për të parandaluar destabilizimin e mëtejshëm të vendit.
Gjatë fundjavës Poroshenko tha se Rusia vendosi një numër të madh trupash përgjatë kufirit të saj dhe pretendon se Kremlini synon të sulmojë Ukrainën.
Ukraina dhe Rusia fajësojnë njëra-tjetrën për incidentin detar. Kievi thotë se anijet e saj ishin në ujërat ndërkombëtare ndërsa Rusia pretendon se anijet po shkelnin kufijtë e saj.
Poroshenko ka thënë se ai u përpoq të bisedonte në telefon me Putin, por u refuzua. Zëdhënësi i liderit rus tha “nuk është planifikuar një bisedë e tillë”.
Britania e Madhe aktualisht nuk ka një prani në Detin e Zi, por Sekretari i Mbrojtjes Gavin Williamson tha se Britania do të vazhdojë të kryejë programe të përbashkëta të trajnimit dhe stërvitjet ushtarake me Ukrainën.
Katër ditë përpara incidentit të anijes detare të Ukrainës, Williamson njoftoi se personeli i të gjitha forcave të armatosura të Mbretërisë së Bashkuar do të përfshihej në stërvitjen ushtarake në Ukrainë.
VAZHDO TË LEXOSH MË TEPËR PËR TEMËN
Incident në Detin Azov/ Rusia sulmon anijet ukrainase
Pse deti Azov është ‘molla e sherrit’?
Rreziqet që vijnë nga Azovi
