Kryeministri i Maqedonisë, Zoran Zaev më herët tha se nuk është koha për ushtrinë e Kosovës. Ai u mundua që ta arsyetoj këtë qëndrim me qëndrimin e NATO-së për këtë hap të Kosovës.
Por, i mënjëhershëm ka qenë reagimi i partisë opozitare në Maqedoni, Aleanca për shqiptarët që udhëhiqet nga Ziadin Sela, duke e porositur Zaevin se Kosovën pa ushtri e do vetëm Serbia dhe Rusia.
Postimi i plotë i Selës
ASH porosit Zaevin: Kosovën pa ushtri do ta dëshironte vetëm Serbia dhe Rusia!
Deklarata e Kryeministrit të Maqedonisë, Zoran Zaev për transformimin e FSK në Ushtri të Kosovës se nuk na qenka koha tani, apo se Ballkani nuk duhet të bëhet fuçi baruti, madje duke apeluar tek liderët e shteteve të kenë kujdes për vendimet e marra, tregojnë fytyrën e zezë dhe nacionaliste të Kryeministrit Zaev, fillimisht ndaj shqiptarëve, Kosovës si dhe ndaj SHBA-ve si mbështetës kryesor i Kosovës në themelimin e Ushtrisë së saj.
Ky fjalor i Kryeministrit Zaev ndaj Ushtrisë së Kosovës vë në pikëpyetje edhe raportin e tij me SHBA duke lënë për të dyshuar se një Kosovë pa ushtri do ti konvenonte vetëm Serbisë dhe Rusisë. Andaj Kryeministri Zaev bën mirë të shikojë në oborrin e tij dhe ti bëjë reformat e duhura në Maqedoni dhe mos të përzihet në politikën e brendshme të shtetit të Kosovës.
Aleanca për Shqiptarët kërkon që Kryeministri Zaev sa me parë të heq deklaratën e tij dhe t’i urojë në emër të Maqedonisë Qeverisë së Kosovës për Ushtrinë e saj. /Konica.al/
VAZHDO TË LEXOSH MË TEPËR PËR TEMËN
“Transformimi i FSK-së në ushtri, proces i koordinuar”
‘KFOR-i ka dhënë garanci se FSK-ja nuk ndërhyn në Veri të Kosovës’
