Presidenti i Federatës Shqiptare të Futbollit, Armand Duka, është zgjedhur ditën e sotme në Komiteti Ekzekutiv të UEFA-s, në Kongresin që po zhvillohet në Romë.
Ky pozicion, do t’i sjell Dukës një pagë vjetore prej 160 mijë eurosh, në total për 4 vjet do të pëfitojë 640 mijë euro. Kjo shumë është publikuar vitin e shkuar nga vetë institucioni më i lartë në Europë.
Kjo ishte hera e dytë që Duka kandidonte për ktë post. Ai arriti të merrte 36 vota nga 55 të mundshme, për një mandat 4 vjeçar.
Po Duka ka edhe benefite të tjera nga pozicioni në Komitetin Ekzekutiv që do të mbajë për katër vitet e ardhshme. Gjithçka sa u takon udhëtimeve dhe aktiviteteve që organizon UEFA, janë të paguara për anëtarët e saj.
Nuk është thjesht një çështje prestigji, sepse edhe përfitimet janë vërtet për t’u marrë në konsideratë.
VAZHDO TË LEXOSH MË TEPËR PËR TEMËN
Duka zgjidhet në Komitetin Ekzekutiv të UEFA-s
