Qeveria holandeze e sheh Brexit jo si një elefant, por si një përbindësh gjigant i stilit të Muppet që shtrihet në një tavolinë.
Kjo është fotoja epostuar në Twitter nga ministri i jashtëm holandez Stef Blok, me paralajmërimin: “Sigurohuni që Brexit të mos ulet ose shtrihet në rrugën tuaj”.
Postimi përfshinte gjithashtu një lidhje me një faqe zyrtare qeveritare, brexitloket.nl, ku kompanitë holandeze mund të bëjnë një “Brexit scan” të plotë të biznesit të tyre, llogarisin ndikimin dhe të marrin hapa për të reduktuar pasojat.
Përbindëshi është tashmë një “hit” në Twitter.
Foto e marrë nga BBC
Kryeministri holandez Mark Rutte tha se një dalje pa marrëveshje rrezikonte të kishte pasoja “të pakapërcyeshme” dhe “shkatërruese” për ekonominë në Mbretërinë e Bashkuar.
Në një intervistë për Financial Times ai tha se askush nuk po bën asgjë për momentin, të paktën jo në anën e Mbretërisë së Bashkuar.
Këto dy kombe të detit kanë shumë lidhje tregtare, lidhje politike dhe ngjashmëri kulturore.
Holanda është ndër partnerët kryesorë tregtarë të Britanisë së Madhe dhe zyrtarët holandezë thonë se Brexit mund të japë një goditje të madhe vendit.
Ka shumë spekulime se Britania e Madhe mund të largohet nga BE pa një marrëveshje më 29 mars dhe kjo sipas tyre është skenari më i keq. Spitalet holandeze kanë paralajmëruar se një dalje e papritur e Mbretërisë së Bashkuar mund të shkaktojë mungesë të barnave dhe furnizimeve të tjera mjekësore.
Hollanda është ndër më të përgatiturit nga të gjitha për Brexit, por qeveria ka thënë se është ende e shqetësuar sepse shumë pak biznese holandeze janë plotësisht të vetëdijshme për gjithçka që mund të ndodhë.
Foto e marrë nga BBC
Si pjesë e një programi për përgatitjen e Brexit, ai nisi një fushatë të madhe të informimit publik muajin e kaluar, duke përfshirë reklamat në gazeta dhe radio, duke paralajmëruar bizneset që nuk mund ta përballonin .
Produktet ndoshta do të mbahen më gjatë në dogana, certifikatat e lëshuara nga Mbretëria e Bashkuar dhe licencat nuk mund të jenë më të vlefshme dhe transferimet e të dhënave mund të preken, paralajmëron fushata.
Britania e Madhe është një nga partnerët kryesorë tregtarë të Holandës, dhe qeveria, vlerëson se Brexit mund t’i kushtojë vendit 3% të PBB-së së saj me kalimin e kohës.
Por edhe holandezët përfitojnë: Agjencia Europiane e Medicinave ka lëvizur në Amsterdam nga Londra, më shumë se 40 kompani, duke përfshirë Sony dhe Panasonic, po zhvendosin qendrat e tyre evropiane në kryeqytetin holandez dhe autoritetet thonë se janë në bisedime me 250 të tjerë.
VAZHDO TË LEXOSH MË TEPËR PËR TEMËN
“Tronditet” Britania/ Brexit mund të anulohet?
