Lufta për tubacionin duhej t’i jepte Gjermanisë shkak të rishikonte politikën e saj të jashtme. Në vend të kësaj, Berlini po mbështet një projekt që do të dëmtojë besueshmërinë e tij…
Tani që Gjermania ka rënë dakord me Francën dhe shtetet e tjera anëtare për rregulloret e reja të BE-së për projektin e diskutueshëm Nord Stream 2, qeveria gjermane është duke gabuar nëse beson se ata i kanë kënaqur kritikët.
Berlini, që nga fillimi, e nënvlerësoi dëmin që ky projekt do të bënte ndaj imazhit të saj. Mbështetja e saj për Nord Stream 2 tregon se si qeveria gjermane vendos interesin kombëtar përpara pyetjeve strategjike evropiane dhe ndërkombëtare, duke dëmtuar besueshmërinë e saj në një kohë të gjatë, sipas Berlin Policy Journal.
Qeveria gjermane pohoi për vite të tëra se kjo ishte një përpjekje thjesht komerciale. Por pastaj në prill të vitit 2018, në një takim me presidentin ukrainas Petro Poroshenko, kancelarja Angela Merkel pranoi për herë të parë që faktorët politikë rreth Nord Stream 2 duheshin marrë në konsideratë gjithashtu.
Foto e marrë nga Nord Stream 2
Objektivat dhe pasojat e Nord Stream 2 shkojnë përtej Gjermanisë dhe kundërshtojnë interesat gjermane dhe të BE-së, vë në dukje publikimi.
Projektet e mëdha infrastrukturore të zbatuara bashkërisht me kompanitë evropiane stabilizojnë sistemin e Putinit, sepse firmat ruse të përfshira në ndërtim janë në pronësi të njerëzve të afërt me presidentin rus. Kostoja ekonomike, atëherë, nuk ka më rëndësi.
Pasojat për Ukrainën janë humbja e tarifave të tranzitit në vlerë prej 3 miliardë eurosh në vit. Kjo mund të ndikojë në stabilitetin e sigurisë së Detit të Asov dhe Detit të Zi. Nëse Nord Stream 2 është ndërtuar deri në fund të vitit, Kremlini mund ta marrë atë si një sinjal për të pushtuar urën tokësore midis Krimesë dhe kontinentit rus dhe për të zgjeruar më tej aktivitetet e saj ushtarake në portet jugore të Ukrainës.
Nëse qeveria gjermane dëshiron paqe në konfliktin në Donbas dhe të stabilizojë dhe mbështesë reformat në Ukrainë në planin afatgjatë, po bën pikërisht të kundërtën. Nëse kohezioni i BE-së është një qëllim strategjik i Berlinit, atëherë nuk duhet të dobësojë Bashkimin Energjetik të BE-së.
Foto e marrë nga Sputnik News
Rusia është një kundërshtar strategjik që po përpiqet të dobësojë BE-në nga brenda. BE nuk është më një model zhvillimi për elitën ruse; nga një perspektivë ruse duket e paaftë për veprim.
Pse të bëjmë lëshime për një kundërshtar të dobët nëse ato lëshime ndihmojnë në sigurimin e mbijetesës financiare të kundërshtarit? Tani detyra e elitës së politikës së jashtme gjermane është të mbushë boshllëkun strategjik.
Lufta mbi Nord Stream 2 duhej të ishte një mundësi për të rimenduar thelbin e gjërave dhe për të dalë nga ky fund i vdekur. Vetëm një Bashkim Evropian i riorganizuar me një Gjermani që është e aftë të veprojë do të jetë në gjendje të përmbushë sfidat globale të sotme.
VAZHDO TË LEXOSH MË TEPËR PËR TEMËN
Gazsjellësi Nord Stream 2/ SHBA kërcënon Gjermaninë
Gazsjellësi rus Nord Stream 2/ Pse BE po e ngadalëson projektin?
Gazsjellësi Nord Stream 2, tani edhe Franca kundër Gjermanisë
