Udhëheqësit evropianë dhe arabë të dielën hapën samitin e tyre të parë në Sharm el-Sheikh në një përpjekje për të forcuar bashkëpunimin.
Vendet e Bashkimit Evropian e shohin samitin si një mënyrë për të mbrojtur interesat e tyre tradicionale diplomatike, ekonomike dhe të sigurisë, ndërkohë që Kina dhe Rusia kërkojnë të mbushin boshllëkun e lënë nga Shtetet e Bashkuara.
Donald Tusk, kryetari i Këshillit Europian, i cili organizon samite për vendet e BE-së, tha “Ne duhet të bashkëpunojmë dhe të mos e lëmë atë në fuqitë globale larg rajonit tonë”, tha ish-kryeministri polak për udhëheqësit nga rreth 40 vende.
Ai nuk përmendi asgjë konkretisht, por një burim i BE konfirmoi se ai e kishte fjalën për Kinën dhe Rusinë. Kina po rrit tregtinë me rajonin dhe ka ndërtuar një bazë ushtarake në Xhibuti. Ndërsa Rusia po mbështet ushtrinë e Sirisë së Bashar al-Assad në luftën e tij civile.
Samiti në shkretëtirën jugore të Sinait është ruajtur shumë nga forcat e sigurisë të egjiptianëve të cilët po luftojnë një kryengritje të përgjakshme xhihadiste.
E ngarkuara e BE për Politikën e Jashtme, Federica Mogherini e pa si sukses që në samit morën pjesë një numër i madh krerësh dhe qeverish, rreth 50 gjithsej. Nga 28 vende anëtare të BE, 24 prej tyre morën pjesë në nivelet më të larta, vetëm Franca, Spanja, Lituania dhe Letonia dërguan ministrat e tyre të jashtëm.
Mogherini e largoi nga fokusi qendror i samitit një temë të rëndësishme për BE – migrimin. Samitin e parë europiano-arab, BE e kishte synuar që vjeshtën e kaluar për të kufizuar migrimin nga vendet arabe. Por vendime konkrete, për shembull në politikën e migracionit nuk priten nga samiti.
Në përfundim të samitit të hënën, Presidenti egjiptian Abdel Fattah al-Sisi tha se dy blloqet ranë dakord të zhvillojnë takime të rregullta, me të radhës të caktuar në Bruksel në vitin 2022.
Në çështjen palestineze, liderët arabë dhe evropianë ranë dakord të rinovojnë zotimet ndaj qëndrimeve të përbashkëta në procesin e paqes në Lindjen e Mesme, duke përfshirë një të fokusuar në një zgjidhje dypalëshe.
VAZHDO TË LEXOSH MË TEPËR PËR TEMËN
Pse Afrika ndihet “e mënjanuar” në G20?
Pse Japonia po afrohet përsëri me Kinën?
Momentet më të rëndësishme të politikës botërore në 2018
