Kriza kubane e raketave shpërtheu në vitin 1962, kur Moska iu përgjigj vendosjejes së raketave të SHBA në Turqi, duke dërguar raketa balistike në Kubë, duke shkaktuar një situatë, që e çoi botën në prag të luftës bërthamore.
Më shumë se pesë dekada më vonë, tensionet po shtohen sërish për shkak të frikës së Rusisë se Shtetet e Bashkuara mund të vendosin raketa bërthamore në Evropë, pas tërheqjes nga traktati i kontrollit të armëve të epokës së luftës së ftohtë.
Komentet e Putinit, të bëra në mediat ruse të mërkurën, erdhën pas paralajmërimit të tij se Moska do të përgjigjet ndaj çdo lëvizjeje të SHBA-së.
Putin paralajmëroi për herë të parë, duke thënë se Rusia mund të vendosë raketa hipersonike në anije dhe nëndetëse.
Foto e marrë nga Deutche Welle
“Po flasim për automjetet e furnizimit detar: nëndetëset apo anijet. Dhe ne mund t’i vendosim ato, duke pasur parasysh shpejtësinë dhe gamën e raketave tona. Plus ata nuk janë të palëvizshëm, ata lëvizin”tha Putini, sipas një transkripti të Kremlinit.
Departamenti i Shtetit i SHBA e quajti propagandë paralajmërimin e mëparshëm të Putinit, duke thënë se ai ishte projektuar për të devijuar vëmendjen nga shkeljet e Moskës të Traktatit të Forcave Bërthamore me Rreze të Mesme(INF).
Pakti, i cili e ndaloi Rusinë dhe Shtetet e Bashkuara të vendosnin raketa në Afganistan dhe Evropë, ka marrë fund, duke rrezikuar nisjen e një gare të re armësh midis Uashingtonit dhe Moskës.
Putini ka thënë se nuk dëshiron një garë armësh me Shtetet e Bashkuara, por se nuk do të kishte zgjidhje tjetër përveçse të vepronte nëse Uashingtoni do të vendoste raketa të reja në Evropë, disa prej të cilave ai thotë se do të mund të godasin Moskën brenda 10-12 minutave.
Marrëdhëniet midis Moskës dhe Uashingtonit ishin të tensionuara, shtoi ai, por tensionet nuk ishin të krahasueshme me ato të krizës së raketave kubane.
Foto e marrë nga Reddit
“Tensionet nuk janë një arsye për të zgjidhur konfrontimet në nivelet e krizës së raketave kubane në vitet 1960. Sidoqoftë, kjo nuk është ajo që ne duam, “tha Putin. “Nëse dikush dëshiron këtë, ata janë të mirëpritur”
Të mërkurën, Putin kritikoi SHBA për tërheqjen nga Traktati INF, duke thënë se akuzat se Rusia shkeli traktatin u bënë për të mbuluar faktin që amerikanët gjithmonë kishin dashur të tërhiqeshin prej tij.
Udhëheqësi rus tha se vendi i tij nuk ishte një kërcënim për SHBA-në dhe donte të ndërtonte një marrëdhënie miqësore, të bazuar në respekt të ndërsjellë. Megjithatë, ai tha se Uashingtoni duhet të mendojë për armët e Rusisë përpara se të bëjë ndonjë lëvizje, sepse ai gjithmonë do të garantojë sigurinë e vendit.
VAZHDO TË LEXOSH MË TEPËR PËR TEMËN
Putin: SHBA t’i bëjë mirë llogaritë
Gorbaçov: Një garë e re armësh sapo ka nisur
Në garën e re të armëve të gjithë do të jenë humbës…
