Ajo që ndodhi në ndeshjen Partizani-Flamurtari, ku u sulmua një fotograf (vlonjat), ka sjellë shumë reagimi, i fundit nga Erion Braçe, i njohur si një nga tifozët më të zjarrtë të skuadrës së Partizanit.
Nëpërmjet një postimi në rrjetin social ‘Instagram’ në lidhje me ndeshjen e fundit, ai shprehet se, që nga koha kur mori postin e zv. Kryeministrit, nuk ka shkelur më në stadium, në mënyrë që të mos ketë polemika dhe kjo mungesë i dhemb.
POSTIMI I BRAÇES
“PËR DY LEGJENDA,
PARTIZANIN E FLAMURTARIN, ARBITRIN E PAAFTË, ZOTIN IDRIZI DHE PËR VETE!
Po i nderuar zoti Idrizi, nuk shkrova dje e sot për ndeshjen Partizani-Flamurtari vetëm prej atij episodi të izoluar dhune! Nuk më pëlqeu! S’e pranoj!
Por meqë ju më ftoni të flas, në shenje respekti për ata që luajnë në fushë, atë që i ndjekin dhe të gjithë ju që investoni, po e bëj!
E para: Qysh ditën që kam marrë detyrën, nuk kam shkelur më në stadium; Nuk dua të dukem si ata që kam sulmuar e jo më të bëj si ata! Ti nuk e merr me mend sa më dhemb kjo, por besoj më mirë kështu se sa qenia ime aty të dyshohet, gjykohet e dënohet si ndërhyrje në garë!
E dyta: E pashë ndeshjen ARBITRI ISHTE I PAAFTË!
Harroje se e kishte blerë Partizani! Ti e di fare mirë se Partizani e ka vuajtur këtë gjë dhe nuk e bën kurrë kundër të tjerëve. Arbitri nuk ishte as “kamikaz” siç një arradhe e madhe që është sjelle kështu kundër Partizanit. Pra, po ju them se Partizani kurrë nuk hyn në marrëdhënie me arbitrat, kurrë!
E treta, raporti i ndeshjes: Ai për vendimet e arbitrit, nuk mund të jetë ai i një gazetari të njëanshëm që më në fund e pa “një ditë të bardhë” të hedhë arbitra në favor të Partizanit!
Edhe unë mbaj shënime kur kam nge dhe arbitri nuk ndëshkoi një seri faullesh të rëndë kundër Partizanit, si ai i Trashit apo më të rëndë se ai.
E katërta: Nxjerrja me të kuqe e lojtarit të Flamurtarit ishte banale, vendim idiot dhe më ulëritësi që dëshmon paaftësinë e arbitrit!
E pesta: Dhuna e 5 personave, vetëm 5 të tillëve, në 4000 që ishin në stadium, ishte e turpshme, e papranueshme dhe për këtë shkak, tifozët e klubi e kanë dënuar publikisht!
Nuk e kuptoj pse e donit nga unë këtë. Unë jam njëri nga ata mijëra të kuq që e duam futbollin, jo dhunën!
Por këtu më lejo të them: Një ndeshje futbolli është gare, pasion e betejë e ndershme deri në fund!
NUK MUND TË JETË KURRË PROVOKIM, TALLJE APO HUMBJE KOHE.
Ndodh të kthehet edhe kështu, por ky nuk është futbolli që unë e ju pëlqejmë, ndryshe shkojmë poshtë kalit të Skënderbeut, e thërrasim këtë fotografin për foton e duhur, atje jo në stadium! Lëre pastaj kur dhunën e thërret vetë fotografi.
E fundit, respekt pa fund për Vlorën! Përulem”.
VAZHDO TË LEXOSH MË TEPËR PËR TEMËN
Tifozët e kuq sulmojnë fotografin vlonjat
