Pavarësisht punës së task-forcës kundër kanabisit në Shkodër, ky qytet nuk ka mundur të dalë nga harta e zonave ku kultivohet kanabis.
Prefekti Çesk Millja tha se kultivimi ka pësuar rënie të ndjeshme, por nuk është arritur objektivipër heqjen e qarkut nga harta.
“Është zvogëluar sasia e kanabisit por nuk u arrit objektivi për heqjen e qarkut nga harta e zonave ku kultivohet kanabis.Problem përveç zonave të evidentuara si problematike për kultivimin e kanabisit, problem na dalin dhe ambjentet e mbyllura ku kultivohet përmes energjisë“, u shpreh Millja.
Ndërkohë drejtori i policisë së Shkodrës, Vehbi Bushati foli për 3-4 grupe kriminale që operojnë në Shkodër.
“Shkodra ka zona me risk por fenomeni po zvogëlohet. Janë ulur mbi 20% rastet dhe është rritur zbulueshmëria e autorëve. Janë mbi 3 -4 grupe kriminale në Shkodër dhe funksionojnë si grup i strukturuar kriminal por tashmë janë në kushtet e minimales. Sivjet kishim miniparcela. Kujdes duhet ti kushtojmë ambjente të mbyllura nga serat, tunelet, qoftë dhe pallatet, pasi krimi kërkon metoda të reja“, tha Bushati.
VAZHDO TË LEXOSH MË TEPËR PËR TEMËN
“Dita e Biçikletave” në Shkodër
“Forca e Ligjit” në Shkodër, 4 në pranga, 1 në kërkim
