Cilët persona jetojnë më gjatë?

Sipas një studimi të kryer nga Universiteti Stanford, u vërtetua se ndjenjat, mendimet dhe besimet ndikojnë shumë në shëndetin e përgjithshëm dhe në jetëgjatësinë e një personi.

Kërkimet thonë se më të rrezikuar nga vdekja e parakohshme janë pikërisht ato persona që e konsiderojnë veten si të pashëndetshëm.

Nga studimi, rezultoi se njerëzit që e shohin veten si më pak aktivë se të tjerët janë 71 përqind më të prirur të vdesin para kohe, në krahasim me njerëzit të cilët mendojnë se janë më aktivë se miqtë e tyre.

Ekspertët sugjerojnë që të fokusoheni sa më shumë në ndjenjat dhe mendimet pozitive.

E thënë më shkurt: Mendoni pozitivisht, jetoni më gjatë!