MENU

Masat

‘Facebook’ ndryshon videot live pas sulmit terrorist

31.03.2019 - 08:45

Facebook-u ka premtuar masa për videot live, dy javë pasi një sulmues përdori rrjetin social për të transmetuar sulmin që po e kryente në dy xhami të Zelandës së Re. 

Shefja e operacioneve në Facebook, Sheryl Sandberg, tha se rrjeti social është pajtuar me thirrjet e shteteve që të bëjë më shumë sa u përket masave në platformat e saj. 50 persona u vranë në Christchurch dhe videoja e sulmit ishte shikuar 4 mijë herë para se ta fshinte Facebook-u. 

Derisa ka bllokuar faqet e ekstremit të djathtë, Facebook ka thënë se është duke shqyrtuar krijimin e disa rregullave para se përdoruesit të fillojnë videot e drejtpërdrejta.

Facebooku njoftoi se videon e sulmit e shikuan më pak se 200 përdorues, ndërsa përdoruesi i parë që raportoi për videon ishte 12 minuta pas përfundimit të videos.