22.03.2019 - 21:01
Kanë surprizuar përsëri “Tifozat Kuq e Zi”, duke shpalosur një banderolë gjigante në stadiumin “Loro Boriçi” para ndeshjes Shqipëri-Turqi.
Ndeshja ka startuar në orën 20:45, duke nisur kështu rrugëtimi zyrtar i Kombëtares kuqezi drejt Evropianit të vitit 2020.
Tekniku italian dhe stafi i tij kanë sheshuar idetë e formacionit duke hedhur në fushë 11 titullarë, teksa nuk mungojnë as surprizat në përzgjedhjen e bërë nga Panuçi.
Sadiku, Grezda dhe Aliji ndodhen në stol, ndërkohë që trajneri kuqezi ka preferuar, Balajn dhe Balliun nga minuta e parë.
Një triumf përballë turqve do të ishte starti perfekt i një edicioni eliminatoresh shumë të rëndësishme, ku do të krijohej një frymë besimi për takimet në vazhdim.
