Struktura speciale për eleminimin e materialeve të rrezikshme EOD e batalionit të Xhenios në Komandën Mbështetëse u angazhua në operacionin e heqjes së një sasie municioni të gjetur në ambientet e një magazine të braktisur në lagjen Dobraç të qytetit të Shkodrës, e cila i përkiste “Institutit të misrit”,e cila tani është e privatizuar.
Alarmin për prezencën e këtij municioni e dha ka dhënë pronari i këtij objekti, i cili duke pastruar ambientet e godinës ka evidentuar sasinë e municioneve luftarake.
Specialistët EOD pasi evidentuan prezencën e municioneve luftarake, konstatuan se bëhej fjalë për 4 predha GHLKT “Granatë Hedhës i Lehtë Kundër-Tank” gjithashtu dhe 1 granatë dore mësymëse.
Për shkak të llojit të tyre, municionet e gjetura në magazinë, dyshohet të jenë marrë nga depot e Forcave të Armatosura në vitin 1997.
Ekspertët e kompanisë EOD, morën masa për sigurimin e vendit dhe nëpërmjet automjeteve speciale, kanë bërë të mundur transportimin e predhave dhe magazinimin e tyre në depot ushtarake të batalionit të Xhenios.
VAZHDO TË LEXOSH MË TEPËR PËR TEMËN
Burg për grupin “Bajri”/ Avokati: Vendimi i paligjshëm
