Ora 09:30/ Tragjedia në Pukë/ Çifti digjet nga flakët, gjyshi rrëfen tmerrin
Për një familje në fshatin Breg të Pukës, mëngjesi i sotëm ka qenë fatal dhe ka lënë plagë të përjetshme në shpirtin e tyre.
Rreth orë 02:00 të mëngjesit të sotëm, banesa e tyre u përfshi nga zjarri, si pasojë e të cilit humbi jetën çifti i bashkëshortëve Petrit e Dava Ndoj, 40 dhe 35 vjeç.
Në momentin e zjarrit ata po flinin në katin e dytë, nga ku nuk arritën të dilnin të gjallë.
Ndërkohë 4 fëmijët e çiftit dhe gjyshërit kanë arritur të dalin të gjallë nga shtëpia.
Në një intervistë për News 24, i zoti i shtëpisë Pal Gjoni teksa ka folur për tmerin e kaluar, tha se ka thirrur djalin për të shpëtuar gruan e paralizuar, por kjo thirrje nuk u dëgjua asnjëherë pasi ai së bashku me bashkëshorten ndërruan jetë duke lënë pas katër fëmijë jetimë.
“Kam dëgjuar tjegullat që kërcisnin kur me doli gjumi. Jam zgjuar shpejt, kisha hallin e fëmijëve. I kam thirrur djalit qe të nxirrte gruan që kam të paralizuar. Ai nuk mu përgjigj kurrë me. U gëzova kur pashë që fëmijët ishin në oborr. Ajo qe me ndodhi mua, mos i ndodhtë kujt”, tha i moshuari.
Ndërkohë Policia përmes një njoftimi zyrtar bën me dije se shkak për zjarrin e rënë është bërë një shkëndije elektrike.
Njoftimi:
“Më datë 8.4.2019, rreth orës 3.45 në Pukë, në banesën e shtetasit P. N ka rënë zjarr. Si pasojë e zjarrit kanë humbur jetën shtetasit P. N. 46 vjeç dhe bashkëshortja D. N. 35 vjeçe, ndërsa 4 fëmijët e tyre të moshës 15 , 13 , 12 e 11 vjeç ndodhen në Spitalin e Pukës me dëmtime të lehta.
Nga informacionet paraprake dyshohet se zjarri ka rënë për shkak të një shkëndije elektrike. Grupi hetimor po vijon veprimet në vendngjarje për sqarimin e rrethanave si dhe për përcaktimin e shkakut të zjarrit.”
Ora 8:11/ Digjet shtëpia, humbin jetën burrë e grua
Një ngjarje e rëndë është shënuar në Pukë. Një shtëpi është përfshirë nga zjarri, si pasojë e të cilit kanë mbetur të vdekur një çift bashkëshortësh.
Petrit dhe Dava Ndoj 40 dhe 35 vjeç kanë humbur jetën nga zjarri që ka përfshirë banesën e tyre rreth orës 02:00 të mëngjesit.
Ngjarja e rëndë ka ndodhur në lagjen “Va Shënkoll” të fshatit Breg.
Bashkëshortët po flinin në katin e dytë të banesës kur ka rënë zjarri.
Dëmtime të lehta kanë pësuar dhe katër fëmijët e tyre, të cilët janë hedhur nga dritarja e katit të dytë.
Fëmijët, më i madhi 12 vjeç , kanë ariritur të shpëtojnë nga flakët gjyshen e moshuar, e cila ishte e paralizuar dhe nuk kishte mundësi të ecte.
VAZHDO TË LEXOSH MË TEPËR PËR TEMËN
Lezhë/ Humbin jetën dajë e nip
