“Argumentet e Holandës për rikthimin e vizave nuk qëndrojën”, kështu është shprehur deputeti socialist, Taulant Balla.
I ftuar në “News 24”, Balla tha se deputetja që propozoi idenë për rikthimin e vizave është Van Toorenburg, mike e kreut të opozitës Lulzim Basha.
Balla shtoi se ajo lobohet në mënyrë të vijueshme nga Basha, ndërsa theksoi se kriminaliteti i grupeve shqiptare është 20 herë më i vogël se ai i polakëve në Holandë.
“Një denigrim i padrejtë i kombit shqiptar. Nuk qendrojnë asnjë nga argumetat që mund të lëshohen nga BE vendosja e vizave.
Nuk janë shqiptarët kombi më problematik në Holandë. Kriminaliteti i grupeve shqiptare është 20 herë më i vogël se ai i polakëve. Tani i bie që javën tjetër të kërkojnë përjashtimin e Polonisë nga BE. Vite më parë kërkuan largimin e Rumanisë nga BE për shkak të kriminalitetit nga rumunët në Holandë.
Ajo që e bën shqetësues gjithë këtë gjë është reagimi i turpshëm i forcave opozitare në rrugë. Në rastin që përmenda atë të Rumanisë ata e cilësuan idioteske. Të kthehem te palaçot e baltës dhe rrugës në Shqipërië, prirja e tyre për veprimet kriminale të shqiptarëve në Holandë. Zonja në fjalë lobohet në mënyrë të vijueshme të zotit Basha”, tha ndër të tjera Balla.
VAZHDO TË LEXOSH MË TEPËR PËR TEMËN
