Real Madrid duket se do të jetë një nga ekipet më aktive në merkaton e verës.
Luhatjet e ekipit gjatë gjithë sezonit dhe eleminimi nga Champions kanë vënë në lëvizje drejtuesit e klubit ‘Merengues’.
Me Modric dhe Kroos të cilët kanë shprehur dëshirën për tu larguar madrilenët kanë vendosur nën shënjestër Paul Pogba.
Kampioni i botës po shkëlqen me Manchester United dhe pas largimit të Mourinhios ai është shndërruar në një lojtar kyç për “Djajtë e Kuq”. Anglezët duan një shumë të ‘majme’ për të lënë të lirë 26-vjeçarin dhe sipas “Don Balon”, ata nuk do të pranojnë asnjë ofertë nën 150 mln euro.
Megjithatë Real Madrid duket se e ka menduar zgjidhjen. Pritet që Perez të përfshijë në marrëveshje Gareth Bale, kartoni i të cilit vlerësohet rreth 90 mln euro. Uellsjani nuk po kalon një sezon të mirë në Madrid dhe kalimi i tij në Manchester do t’i kënaqte të gjitha palët.
Drejtuesit e United kanë shprehur shpesh herë pëlqimin për sulmuesin uellsjan dhe nëse oferta e Realit do të përfshinte lojtarin plus 60 mln euro, “Red Devils” do ta mendonin seriozisht shkëmbimin që do bënte shumë bujë në merkaton verore.
VAZHDO TË LEXOSH MË TEPËR PËR TEMËN
Messi 6 ndeshje larg rekordit, e ‘shqetëson’ Mbappe
Rashica shkëlqen në Gjermani, sërisht mes më të mirëve
