Në lidhje me grabitjen në Rinas, gazetari investigativ Artan Hoxha tha se nëse policia do të kishte vijuar të përballej me autorët e grabitjes do të ishin vrarë.
Gazetari i ftuar në ABCNews, shpjegon se ishin 5 policë përballë 6 grabitësve, dhe sipas tij kjo do të rriste mundësinë që policët do të ekzekutoheshin përballë bandës.
“Aeroporti i Rinasit ndodhet brenda zonës që ne që merremi çdo ditë me kriminalitetin e quajmë “Trekëndëshi i Bermudës”. Është një vrimë e zezë në vijat Tiranë-Fushë-Krujë-Shijak.
Brenda këtij harku është zona më e madhe e kompanive të biznesit në Shqipëri. Rinasi është brenda trekëndëshit. Këtu ke një numër shumë të madh organizatash kriminale shumë të fuqishme që janë parmanete në territor.
Nëse këtu vepron grupi i Fushë-Krujës, nuk mund të vish nga Tepelena apo Tropoja dhe të hysh pa dijeti të atyre aty. Ose bën marrëveshje me ata, sepse ata të sulen më keq se policia.
Gjëja që më ka bërë përshtypje këtë herë është se në momentin që ndodhi ngjarja pati një sulm të drejtuar kryesisht tek policia. Ndërkohë për herë të parë policia reagoi dhe reagoi shpejt. Policia u vu shpejt në ndjekje dhe u përplas.
Reagimi ka qenë i shpejtë por mënyrën e reagimit nuk e zgjodhi policia. Nuk ka qëlluar e para policia, kanë qëlluar ata. Po të kishin tentuar grabitësit të vrisnin policët do i kishin vrarë dhe aty kanë qenë vetëm 5 policë përballë 6 grabitësve. Kanë qenë policë të Forcave të Ndërhyrjes së Shpejtë por të paorientaur se më kë kanë të bëjnë.
Njoftimi që kishin ata në radio ishte: “Një makinë që dyshohet të jenë grabitësit ka ikur ne këtë drejtim”. Ata janë sulur në atë drejtim. Por problemi për mua nuk është policia.
Aty është problem koncensionari, mënyra se si i është dhen dhe problem i madhe është edhe korrupsioni. Kontrata është bërë në atë formë që nuk i është lënë kontroll kryesor policisë dhe i është lënë Autoritetit të Aviacionit Civil”,-tha Hoxha ndër të tjera.
VAZHDO TË LEXOSH MË TEPËR PËR TEMËN
