Një lidhje e re në showbiz-in shqiptar po përflitet bujshëm së fundmi në mediat shqiptare.
3 vite pas divorcit me ish-partnerin prej 17 vitesh, Gent Prizreni, Jonida Maliqi është në një romancë me aktorin e humorit të “Al Pazar”, Romeo Veshaj.
Thashethemet e para nisën në gusht të një viti më parë, kur Romeo Veshaj dhe Jonida Maliqi shiheshin të postonin foto në ambiente të njëjta.
Madje zërat u shtuan kur Romeo publikoi një foto me një vajzë misterioze brune, për të cilën ndjekësit aluduan se ishte Jonida.
Këngëtarja Jonida Maliqi, e cila është ende nën ethet e garës në Eurovision ku dha një performancë të jashtëzakonshme të shtunën nuk pranoi të fliste për lajmin duke thënë se nuk dëshiron që jeta e saj private të bëhet publike duke mos qartësuar kështu asgjë për kureshtarët.
“Jeta ime personale, dua të mbetet e tillë”, u shpreh Jonida duke mos konfirmuar asnjë gjë rreth romancës së përfolur me aktorin.
Ata e ndjekin njëri-tjetrin në Instagram, madje aktori i “Al Pazar” ashtu si çdo artist shqiptar, ishte një ndër mbështetësit e flaktë të Jonidës për garën e saj në Eurovizion.
Por duke qenë se kjo nuk vërteton asgjë për raportin mes tyre, e vetmja gjë mbetet është t’i lihet kohës.
Nga ana tjetër, kjo është hera e parë që Romeo përflitet për jetën e tij romantike, ndryshe nga i vëllai binjak Donald, për të cilin thuhet se po jeton një romancë me moderatoren Bora Zemani.
Pra deri tani dyshja ende nuk konfirmon asgjë për mediat.
VAZHDO TË LEXOSH MË TEPËR PËR TEMËN
“Nuk ekzistoj pa të”, Jonida Maliqi flet për mashkullin e jetës…
Jonida Maliqi dhe shija e ëmbël e një ëndrre
