Banorët e komunitetit rom në Fier kanë marshuar sot me këmbë nga Mbrostari para Bashkisë për t’i kujtuar mungesën e ujit të pijshëm.
Teksa marshonin ata mbanin në duar pankartën; “A do na sjellë ujë në shtëpitë tona hapja e negociave me BE”.
Gjithashtu banorët mbanin në duar bidonë boshe dhe marshuan në rrugët e qytetit për problemet më jetike.
Para Bashkisë së Fierit, theksuan se prej 20 vitesh në shtëpitë e tyre në Mbrostar ku janë përqëndruar nuk rrjedh ujë i pijshëm.
“Shkojmë tek të tjerët dhe mbushim bidonët.Deri kur do të vazhdojë kjo, votat do të vinë të na i kërkojnë?“, është shprehur një prej banorëve.
“Kam votuar për ta dhe nuk më kanë bërë asgjë. Legalizimet jo, tokën nuk ma kanë dhënë”, ka thënë një tjetër banorë i Mbrostarit.
Një përfaqësi e tyre u ftua në Bashkia për t’i sqaruar arsyet e vonesave.
Në dalje, banorët thanë se zyrtarët i vunë në dijeni se brenda dy muajve në zonë do të nisë një ndërhyrje rrënjësore.
“Sipas bashkisë ishte në projekt. I pari ishte projekti për ujërat e zeza dhe pastaj uji i pijshëm”.
Por nga ana tjetër, banorëve i është bërë e qartë se janë debitor në pagesën e ujit të pijshëm dhe kanë qenë vetë ata që kanë prishur linjat e furnizimit dhe matësat e ujit.
VAZHDO TË LEXOSH MË TEPËR PËR TEMËN
Ish-naftëtarët e Fierit në protestë: Po vdesim pa marrë statusin
Fier/ fillon turi i dëgjesave për projektbuxhetin e 2019
