“Haradinaj dhe Thaçi duhet të shkojnë në Hagë”, kështu i kanë hapur kryeartikujt e gazetave të tyre.
Mediat serbe kanë zgjedhur që këtë të hënë, në botimet e shtypit të shkruar në fokus të kenë polikanët kosovarës.
Konkretisht ata janë marrë me presidentin Thaçi dhe deputetin Daut Haradinaj, të cilit i referohen si vëllai i kryeministrit Ramush Haradinaj.
Mediat në Serbi në faqet e para të gazetave të ditës së hënë kanë publikuar tituj me gjuhë të urrejtjes.
Në botimin e ri, ‘Vecernje novosti’ shkruan “Kontrabanda përmes Serbisë financohet nga terroristët”.
Shkrim ky referuar vendosjes së taksës 100 për qind nga ana e Kosovës ndaj mallrave serbe dhe hyrjes së tyre nëpër rrugë ilegale.
Gjithashtu gazeta ‘Blic’ është marrë me presidentin e vendit, Hashim Thaçi dhe deputetin e Kuvendit të Kosovës, nga radhët e AAK-së, Daut Haradinaj.
Kjo media e përditshme hapet me kryeartikullin “Daut Haradinaj dhe Thaçi duhet të shkojnë në Hagë”.
Nuk është hera e parë, që mediat serbe përdorin një gjuhë agresive ndaj politikanëve shqiptarë në Kosovë, por një gjë të tillë e kanë bërë edhe më parë.
