Seanca për grupin e “Habilajve” te Krimet e Rënda ka dështuar sërish.
Shkak këtë herë është bërë mosmbërritja e letërporosive nga Italia.
Në këto letërporosi vërtetohet se të pandehurit kanë marrë njoftim për fillimin e procesit gjyqësor edhe në vendin tonë.
Nga ana tjetër më 13 Qershor Gjykata e Katanias në Itali do të mbajë seance për grupin e Habilajve.
Në Shqipëri, i vetmi nga grupi është Armand Koçerri, i cili u arrestua së bashku me Nazer Seitin. Ky i fundit u ekstradua disa muaj më parë në Itali, ku edhe është duke u gjykuar.
Prokuroria akuzon 9 të pandehurit, se në kuadër të grupit të strukturuar kriminal, kanë trafikuar tonelata drogë drejt Italisë.
Kujtojmë se nga përgjimet për këtë grup, ka dalë edhe emri i ish-ministrit Saimir Tahiri, i cili është marrë i pandehur për përkrahjen e grupit të Habilajve, i drejtuar nga kushërinjtë e tij Moisi dhe Artan Habilaj.
VAZHDO TË LEXOSH MË TEPËR PËR TEMËN
Krimet e Rënda nisin gjyqin për grupin e Habilajve
Kryemadhi paralajmëron: Do rrethojmë Parlamentin çdo seancë
