Gjatë ditës së sotme do të mblidhet Kolegji Zgjedhor, i cili do të vendosë për dekretin e Metës.
Kujtojmë që dekreti i presidentit Meta anulloi 30 qershorin si datë ku do të zhvillohen zgjedhjet lokale.
Pas debateve në KQZ, do të jetë Kolegji i cili do të shqyrtojë kështu dekretin e kreut të shtetit. Ai do të mblidhet për të shqyrtuar ankimimin e bërë nga Idajet Beqiri i cili kërkoi çregjistrimin e partisë së tij nga pjesëmarrja në zgjedhje për shkak të anulimit të tyre nga Presidenti Meta.
Kërkesa e Beqirit u hodh poshtë nga KQZ me argumentin se dekreti i Presidentit është antikushtetues dhe nul, dhe nuk mund të zbatohet.
Ndërkohë, pas KQZ-së çështja shkon në Kolegjin Zgjedhor, i cili ka dhe fjalën e fundit për çdo çështje zgjedhore. Në mbledhjen e stme ai do të shqyrtojë ankimimin e Idajet Beqirit dhe në këtë mënyrë do të kemi një vendim të formës së prerë të gjykatës më të lartë zgjedhore, përsa i përket dekretit të Presidentit për anulimin e zgjedhjeve.
Nëse Kolegji do të pranojë kërkesën e Idajet Beqirit për t’u çregjistruar atëherë bëhet i ligjshëm dekreti i Metës. Por nëse Kolegji vendos të kundërtën, pra të rrëzojë kërkesën e Idajet Beqirit, sikurse bëri edhe KQZ, atëherë rrëzohet dhe dekreti i Metës dhe zgjedhjet zhvillohen ne 30 qershor.
VAZHDO TË LEXOSH MË TEPËR PËR TEMËN
