Gjatë fjalës së tij nga foltorja e Kuvendit, ish-sekretari i Metës tha se ditën e votimit të Metës si President e ka përjetuar si një ditë të zezë.
Deputeti Ralf Gjoni theksoi se sipas tij ishte Rama ai që dha urdhër që deputetët të votojnë Metën si president për ta hequr qafe e pë ta mbyllur në godinën e Presidencës.
Sipas ish-sekretarit të Metës, godina e Presidencës ngjan me një azil pleqsh.
“Unë e kam përjetuar si një ditë të zezë atë ditë votimi të Metës. Ju e votuat në rresht me urdhër nga ëhatsapp.
Ne nuk e donim, se e dija që largimi i Metës nga LSI ishte fillimi i fundit nga partia, nuk ishte zgjedhja e tij në shërbim të shqiptarëve.
Rama ju urdhëroi ta zgjidhnit Metën se donit ta hiqnit qafe nga politika dhe ta dergjnit në atë godinë që ngjan si azil pleqsh, po Meta është bishë politike.
Ku jeton ai pa politikë, hajde mendje hajde, e zgjodhët se donit president mbi palët ë?
Presidenti nuk shfuqizon dot dekrete, se ju nuk i keni lënë më asnjë të drejtë, ai nuk vlen asgjë në këtë vend, jo Meta, presidenti”, theksoi Gjoni gjatë fjalës së tij.
“Diskutohet mocion me debat mbi aktin e presidentit të Republikës dhe në sallë nuk janë as 19 deputetë të partisë ëhatsApp-iste, aq sa ka pasur ish – grupi parlamentar i LSI.
Ky është serioziteti i këtij Parlamenti. Kryeministri sërish mungon, përsëri mungon zoti Braho, nuk vjen, nuk na denjon fare si Parlament, as se çan kokën fare për Parlamentin se vjen këtu bën monologun e radhës, ju tregon ëhatsApp-in e radhës, votoni dhe mbaroi filmi.
Hadje parlament hajde. Kjo që po bëni juve sot është show, cirk, është teatër.
Më vjen të qesh kur shoh sesi që doni të shkarkoni Ilir Metën nga presidenti i republikës, kjo është fantastike.
Juve doni të shkarkoni Ilir Metën nga posti i presidentit. Juve që e votuar të gjithë, të gjithë në rresht, me whatsApp e votuat.
A e votuat Ulsi? Vetëm Ad Nori nuk e ka votuar më duket nga Skrapari. Të gjithë ju të tjerët këtu e votuat. Kush e votoi? Ju votuat, unë nuk e kam votuar. Ta gëzoni ta mbani”, vijoi Gjoni.
Deputeti opozitar tha se votimi i Metës si president ishte fillimi i fundit të LSI-së.
“Nga i gjithë ky parlament unë jam i vetmi që e kam përjetuar si një ditë të zezë, atë ditë të votimit të Ilir Metës. Edhe ju e keni përjetuar dhe nuk keni dashur ta votonit për president, por për arsye të tjera kuptohet. Me largimin e Metës nga LSI ishte fillimi i fundit të asaj partie”, tha Gjoni.
VAZHDO TË LEXOSH MË TEPËR PËR TEMËN
Pranoi mandatin e deputetit/ Ralf Gjoni: Vendosa të jem në krahun e drejtë
“Tradhtoi” LSI, Ralf Gjoni sulmohet me bojë
