Qeveria shqiptare ka miratuar një tjetër investim strategjik në zonën e Himarës. Referuar vendimit të publikuar në Fletoren Zyrtare, projekti i ri strategjik është emërtuar “White Rocks” në Dhërmi.
Investitori ka përfituar statusin e investitorit strategjik, procedurë e asisteuar me 4 mars të vitit 2019, nga Komiteti i Investimeve Strategjike.
Afati për përdorimin e brigjeve, sipas këtij vendimi do të jetë për 20 vite, duke filluar nga data e hyrjes në fuqi të këtij vendimi.
Bashkia Himarë ka detyrimin që brenda 15 ditësh nga data e paraqitjes së investitorit strategjik të lidhë kontratën përkatëse për lejimin e përdorimit të brigjeve të detit, në përputhje me sipërfaqet dhe destinacionin e kërkuar nga subjekti, brenda koordinatave të sipërfaqes së lejuar nga vendimi i Komitetit të Investimeve Strategjike.
Investitori strategjik do t’i përdorë brigjet përgjatë periudhës së sezonit veror 15 maj-30 shtator të çdo viti kundrejt pagesës së tarifës në përputhje me tarifën e plazheve të përcaktuar në vendimin e Këshillit Bashkiak Himarë.
Të ardhurat e mbledhura nga tarifa për dhënien e së drejtës së përdorimit të brigjeve administrohen dhe bëjnë pjesë në buxhetin e bashkisë Himarë.
Qeveria vendosur
- Lejimin e përdorimit të brigjeve të detit dhe të sipërfaqes përpara resortit për realizimin e projektit investues strategjik “White Rocks”, Gjilekë, Dhërmi, Himarë, zona kadastrale 1739, i cili ka përfituar statusin e investitorit strategjik, procedurë e asistuar, me vendimin nr.15/3, datë 4.3.2019, të Komitetit të Investimeve Strategjike (në vijim “KIS”).
- Afati për përdorimin e brigjeve, sipas këtij vendimi, do të jetë 20 (njëzet) vjet, duke filluar nga data e hyrjes në fuqi të këtij vendimi.
- Bashkia Himarë ka detyrimin që, brenda 15 ditëve, nga data e paraqitjes së kërkesës së investitorit strategjik “Eurocol” sh.p.k., të lidhë kontratën përkatëse për lejimin e përdorimit të brigjeve të detit, në përputhje me sipërfaqet dhe destinacionin e kërkuar nga subjekti, brenda koordinatave të sipërfaqes së lejuar nga vendimi i KIS-it.
- Investitori strategjik “Eurocol” sh.p.k., duhet të paraqesë, pranë Bashkisë Himarë, kërkesën dhe dokumentacionin, si më poshtë vijon:
- a) ekstrakt të 3 muajve të fundit, lëshuar nga Qendra Kombëtare e Biznesit;
- b) planvendosje të sipërfaqes, për të cilën subjekti kërkon të lidhë kontratë me njësinë e vetëqeverisjes vendore;
- c) përshkrim të aktivitetit që do të realizojë në sipërfaqen për të cilën kërkon të lidhë kontratë.
- Përdorimi i brigjeve do të kryhet përgjatë periudhës së sezonit veror, 15 maj–30 shtator, të çdo viti, përkundrejt pagesës së tarifës, në përputhje me tarifën e plazheve, të përcaktuar në vendimin e Këshillit Bashkiak Himarë. Kjo tarifë do të aplikohet vetëm mbi sipërfaqen objekt kontrate, sipas pikave 3 dhe 4, të këtij vendimi, të lidhur me Bashkinë Himarë, përgjatë periudhës së përmendur në këtë pikë.
- Të ardhurat e mbledhura nga tarifa për dhënien e së drejtës së përdorimit të brigjeve administrohen dhe bëjnë pjesë në buxhetin e Bashkisë Himarë.
- E drejta e përdorimit të brigjeve nga ana e investitorit strategjik “Eurocol” sh.p.k., me NUIS/NIPT J61810018B, koordinatat, sipërfaqja e lejuar për përdorim afatgjatë dhe kushtet e përdorimit bazohen në vendimin nr.15/3, datë 4.3.2019, të KIS-it, dhe në përputhje me përcaktimet e kontratës përkatëse që investitori strategjik duhet të lidhë me Bashkinë Himarë.
- Ngarkohet Bashkia Himarë për lidhjen e kontratës përkatëse me investitorin strategjik, në zbatim të këtij vendimi. Në këtë kontratë të parashikohen shprehimisht të drejtat e detyrimet e autoritetit kontraktues dhe të drejtat e detyrimet e investitorit, në funksion të projektit.
VAZHDO TË LEXOSH MË TEPËR PËR TEMËN
Valët greke në plazhet e jugut
Sa plazhe të virgjëra kanë mbetur në Durrës?
