Në Amerikë ekziston frika se presidenti rus, Vladimir Putin, mund të luajë versionin e tij të kartës së Kinës me Shtetet e Bashkuara, duke iu referuar strategjisë së ish-presidentit Nixon për ti vendosur këto dy kundërshtarë kundër njëri-tjetrit.
Deri kohët e fundit, çdo marrëdhënie midis Rusisë dhe Kinës ka patur ndikim të kufizuar mbi interesat amerikane. Por, meqenëse kombet perëndimore vendosën sanksione ndaj Rusisë pas pushtimit të Ukrainës në 2014, autoritetet kineze dhe ruse kanë gjetur gjithnjë e më shumë shkakun e përbashkët, duke hedhur poshtë demokracinë e stilit perëndimor.
Tani Kina dhe Rusia po sugjerojnë një marrëveshje të përhershme që mund të përbëjë një sfidë komplekse ndaj Shteteve të Bashkuara.
Dëshmia e fundit e afrimit mes superfuqive ishte një takim muajin e kaluar në Moskë, në të cilën Putin e falënderoi kreun kinez, Xi Jinping, që i mundësoi dy vendeve të bëjnë më shumë se 100 miliardë dollarë tregti në 2018, duke u rritur me 30 për qind nga viti i kaluar. Të dy vendet gjithashtu nënshkruan shumë marrëveshje. Ky takim erdhi menjëherë pasi Xi e quajti Putinin “mikun më të mirë”. Krerët janë takuar pothuajse 30 herë që nga 2013.
Kina dhe Rusia kanë kryer ushtrime të përbashkëta ushtarake me ndërprerje për më shumë se një dekadë, dhe filluan manovrat detare në Mesdhe në vitin 2012 dhe vjeshtën e kaluar, organizuan atë që Rusia i quajti lojërat më të mëdha të luftës në dekada në Siberinë lindore.
Me shkrirjen e akullit duke hapur mundësi të reja për eksplorimin e naftës dhe gazit, hulumtuesit nga të dy kombet ranë dakord kohët e fundit për të hapur një qendër kërkimore të përbashkët Arktik.
Ata shpesh kanë qëndrime të ngjashme lidhur me Iranin dhe Korenë e Veriut.
Të dy janë bërë shumë më aktivë në Lindjen e Mesme, ku Rusia po përpiqet të rifitojë pozitën e saj si një fuqi e madhe dhe Kina po përpiqet të kultivojë marrëdhëniet me furnizuesit e energjisë si Irani.
Në fjalimin e tij në shkurt, Putin shprehu besimin se lidhjet me Kinën do të rrisin sigurinë dhe prosperitetin rus.
Duke pasur parasysh trajektoren e saj ekonomike, ushtarake dhe teknologjike, së bashku me modelin e saj autoritar, Kina, jo Rusia, paraqet sfidë më të madhe për objektivat amerikane në afat të gjatë.
Kjo do të thotë që Presidenti Trump do të bënte mirë të përpiqet të krijojë një marrëdhënie më të shëndoshë me Rusinë dhe ta largojë atë nga Kina.
Shtetet e Bashkuara dhe Rusia mund të zgjerojnë bashkëpunimin e tyre në hapësirë. Ata gjithashtu mund të vazhdojnë të punojnë në Arktik, si anëtarë të Këshillit Arktik. Dhe ata mund të ringjallin bashkëpunimin për kontrollin e armëve. Ishte inkurajuese që zyrtarët më të lartë të Departamentit të Shtetit u takuan dy herë javët e fundit me homologët rusë, duke përfshirë edhe të mërkurën në Gjenevë, megjithëse nuk pati asnjë shenjë që të dy palët të bënin ndonjë përparim në kontrollin e armëve apo çështje të tjera të mëdha.
Duke patur parasysh historinë e tyre, Kina dhe Rusia nuk mund të arrijnë asnjëherë një aleancë formale. Të dy janë ndarë nga rivalitetet e luftës dhe ideologjike dhe tani konkurojnë për ndikim në Azinë Lindore, Azinë Qendrore dhe Arktik. Trajektoret e tyre të kundërta gjithashtu do ta bënin një aleancë të vështirë.
Megjithatë, objektivat e tyre të përbashkëta mund të rriteshin, duke kërcënuar më tej interesat perëndimore. Amerika duhet të mbledhë aleatët e saj demokratikë, dhe të projektojë një vizion më të sigurtë për modelin e vet politik dhe ekonomik.
VAZHDO TË LEXOSH MË TEPËR PËR TEMËN
Rusi-Kinë bashkojnë forcat kundër SHBA-së
Aleanca Kinë-Rusi, rrezik i madh për Perëndimin
Aleanca Kinë-Rusi është thjesht një iluzion…
